भए प्रकट कृपाला दीन दयाला, कौसल्या हितकारी।
हरषित महतारी मुनि मनहारी, अद्भुत रूप निहारी॥१॥
लोचन अभिरामा तनु घनश्यामा, निज आयुध भुजचारी।
भूषन वनमाला नयन बिसाला, शोभा सिन्धु खरारी॥२॥
कहँ दुइ कर जोरी अस्तुति तोरी, केहि बिधि करौं अनन्ता।
माया गुन ज्ञानातीत अमाना, वेद पुरान भनन्ता॥३॥
करुना सुख सागर सब गुन आगर, जेहि गावहिं श्रुति सन्ता।
सो मम हित लागि जन अनुरागी, भयउ प्रकट श्रीकंता॥४॥
ब्रह्माण्ड निकाया निर्मित माया, रोम रोम प्रति बेद कहै।
मम उर सो बासी यह उपहासी, सुनत धीर मति थिर न रहै॥५॥
उपजा जब ज्ञाना प्रभु मुसुकाना, चरित बहुत बिधि किन्ह चहै।
कहि कथा सुनाई मातु बुझाई, जेहि प्रकार सुत प्रेम लहै॥६॥
माता पुनि बोली सो मति डोली, तजहु तात यह रूपा।
कीजै शिशु लीला अति प्रियशीला, यह सुख परम अनूपा॥७॥
सुनी बचन सुजाना रोदन ठाना, होइ बालक सुर भूपा।
यह चरित जे गावहिं हरि पद पावहिं, ते न परहिं भव कूपा॥८॥
दोहा:
बिप्र धेनु सुर संत हित, लीन्ह मनुज अवतार।
निज इच्छा निर्मित तनु, माया गुण गो पार॥
हरषित महतारी मुनि मनहारी, अद्भुत रूप निहारी॥१॥
लोचन अभिरामा तनु घनश्यामा, निज आयुध भुजचारी।
भूषन वनमाला नयन बिसाला, शोभा सिन्धु खरारी॥२॥
कहँ दुइ कर जोरी अस्तुति तोरी, केहि बिधि करौं अनन्ता।
माया गुन ज्ञानातीत अमाना, वेद पुरान भनन्ता॥३॥
करुना सुख सागर सब गुन आगर, जेहि गावहिं श्रुति सन्ता।
सो मम हित लागि जन अनुरागी, भयउ प्रकट श्रीकंता॥४॥
ब्रह्माण्ड निकाया निर्मित माया, रोम रोम प्रति बेद कहै।
मम उर सो बासी यह उपहासी, सुनत धीर मति थिर न रहै॥५॥
उपजा जब ज्ञाना प्रभु मुसुकाना, चरित बहुत बिधि किन्ह चहै।
कहि कथा सुनाई मातु बुझाई, जेहि प्रकार सुत प्रेम लहै॥६॥
माता पुनि बोली सो मति डोली, तजहु तात यह रूपा।
कीजै शिशु लीला अति प्रियशीला, यह सुख परम अनूपा॥७॥
सुनी बचन सुजाना रोदन ठाना, होइ बालक सुर भूपा।
यह चरित जे गावहिं हरि पद पावहिं, ते न परहिं भव कूपा॥८॥
दोहा:
बिप्र धेनु सुर संत हित, लीन्ह मनुज अवतार।
निज इच्छा निर्मित तनु, माया गुण गो पार॥
